ცენტრ „ემპათიას” ექიმები მიხეილ სააკაშვილის მოსანახულებლად რუსთავის ციხეში არ შეუშვეს

ცენტრ „ემპათიას” ექიმები რუსთავის მე-12 პენიტენციურ დაწესებულება ყოფილი პრეზიდენტის მიხეილ სააკაშვილის მოსანახულებლად არ შეუშვეს.

ცენტრის ხელმძღვანელის მარიამ ჯიშკარიანის განცხადებით, ექსპერტიზაში ხელის შეშლა არის სისხლის სამართლის დანაშაული და 6 მაისს პროკურატურას მიმართავენ.

„პასუხი არის გაუგებარი. ჩვენ ვითხოვდით ჩვენი და პატიმრის კანონიერი უფლების განხორციელებას. ახლა დავაფიქსირეთ ფაქტობრივი გარემოება, რომ ექსპერტებს არ უშვებენ ციხეში, ირღვევა ამით საქართველოს კანონმდებლობა. შევადგინეთ ოქმი, რომელსაც 5-მა ექსპერტმა მოაწერა ხელი და ხვალ ეს ოქმი გაიგზავნება საქართველოს გენერალურ პროკურატურაში. ეს არის სისხლის სამართლის დანაშაული“, – განაცხადა ჯიშკარიანმა.

წინა სტატიაშიისლანდიის საგარეო საქმეთა კომიტეტის წევრი: ისლანდია მტკიცედ უჭერს მხარს საქართველოს ნატო-ში გაწევრიანებას
შემდეგი სტატიაირაკლი კობახიძე: ადამიანის უფლებათა ოფისს (ODIHR) და პარლამენტს შორის თანამშრომლობა იყო პროდუქტიული და გვსურს, მომავალში კიდევ უფრო პროდუქტიული გახდეს