აზერბაიჯანული მედიის ცნობით, საახალწლო დღეებში, სომხეთთან ფრონტის ხაზის მთელ პერიმეტრზე, ცეცხლის შეწყვეტის რეჟიმი 86-ჯერ დაირღვა სომხური შეიარაღაბული ძალების მხრიდან. როგორც აზერბაიჯანის თავდაცვის სამინისტრო იტყობინება, სომეხმა სამხედროებმა აზერბაიჯანულ პოზიციებს, სადღესასწაულო დღეებში, ფრონტის თითქმის მთელ პერიმეტრზე, ინტენსიური ცეცხლი გაუხსნეს. თუმცა აზერბაიჯანის შეიარაღებული ძალების მხრიდან, საპასუხო ცეცხლით, მოწინააღმდეგის ყველა საცეცხლე წერტილი, ჩახშობილი იქნა.