ჰეპატიტის მკურნალობის პროგრამაში მონაწილეობისთვის პაციენტების რეგისტრაცია ხვალიდან იწყება. მოქალაქეებმა დოკუმენტაცია თბილისსა და რეგიონებში მომსახურების სააგენტოს რაიონულ ცენტრებში უნდა წარადგინონ.
სავალდებულო დოკუმენტების ნუსხაში უნდა იყოს პირადობის მოწმობის ასლი, “ფორმა 100” და ბოლოს ჩატარებული კვლევების პასუხები. რეგისტრაცია ხელახლა უნდა გაიარონ იმ პაციენტებმაც, რომლებიც უკვე მონაწილეობენ ინტერფერონის პროგრამაში.
C ჰეპატიტის პროგრამის ფარგლებში პირველ ეტაპზე მონაწილეობას სამი კლინიკა მიიღებს – ინფექციური საავადმყოფო, კლინიკები “ჰერა” და “ნეოლაბი”.