პაატა ბურჭულაძის პარტიის ისნის #10 საარჩევნო ოლქის აღმასრულებელი მდივანი პარტიაში ბოლო დროს განვითარებული მოვლენებსა და იმ მიზეზებზე საუბრობს, რის გამოც პოლიტიკური მოძრაობის დატოვება გადაწყვიტა.
იოსებ ხიმშიაშვილის თქმით, “აღნიშნულ პარტიის ხელმძღვანელობა შემჩნეულია “ნაციონალური მოძრაობის” ლიდერებთან აქტიურ კავშირში, ისინი ასევე აწარმოებენ გაურკვეველ მოლაპარაკებებს “ნაციონალური მოძრაობის” სატელიტ პარტიებთან, პარტიის ხელმძღვანელობას ასევე გააჩნია საკმაოდ დიდი ფინანსური დავალიანება, როგორც ოფისების მეპატრონეების ასევე პარტიაში მომუშავე პირების მიმართ”.
ხიმშიაშვილის განცხადებით, “იმ პრობლემების ფონზე, როდესაც პარტიაში არ არის არანაირი ფინანსური რესურსი და პარტიაში მომუშავე პირებზე ბოლო ორი თვის განმავლობაში, არ გაცემულა ხელფასები, ამ პარტიის ლიდერი პაატა ბურჭულაძე აძლევს თავს უფლებას, მიემგზავრება საზღვარგარეთ და იწყობს საზაფხულო დასვენებას ფეშენებელურ სასტუმროში”.
“ყოველივე ზემოხსენებულიდან გამომდინარე, მე და ჩემი თანაგუნდელები ვემიჯნებით “ნაციონალურ მოძრაობის” წევრებთან კავშირს და პაატა ბურჭულაძის მხრიდან, თავისი პარტიის წევრების მიმართ უპასუხისმგებლო, დამამცირებელ და შეურაცხმყოფელ დამოკიდებულებას, რის გამოც ვტოვებთ აღნიშნულ პარტიას”, – აცხადებს იოსებ ხიმშიაშვილი.
