გერმანელმა პარლამენტარებმა თავიანთი თურქი კოლეგების მიმართ განხორციელებულ მუქარას უპასუხეს, რომელიც გერმანიის პარლემენტის მიერ სომხების გენოციდის აღიარების შემდეგ გაისმის – Reuters-ი წერს.
“ყველამ, ვინც ცდილობს, კანონმდებლებზე ზეგავლენა მუქარის ძალით მოახდინოს, უნდა იცოდეს, რომ ამით მთელ პარლამენტს უგზავნის გამოწვევას”- განაცხადა ბუნდესტაგის წარმომადგენელმა ჰორბერტ ლამერტმა, მორიგი სხდომის გახსნისას.
მან პირობა დადო, რომ პარლამენტი შემოსულ მუქარებს აუცილებლად უპასუხებს. “ვერც კი წარმოვიდგენდი, რომ 21-ე საუკუნეში დემოკრატიულად არჩეული პრეზიდენტი, ასევე დემოკრატიულად არჩეულ თურქული წარმოშობის ბუნდესტაგის დეპუტეტებს გამოიყენებდა იმისათვის რომ მათ “გაფუჭებულს სისხლზე” ელაპარაკა” – განაცხადა ლამერტმა.
მის სიტყვებს დიდი აპლოდისმენტები მოყვა.
შეგახსენებთ, რომ 6 ივნისს ბუნდესტაგის ექვსმა პარლამენტარმა, რომლებიც წარმოშობით თურქები არიან, მუქარის წერილები მიიღეს თურქი ინტერნეტ-მომხმარებლებისაგან. თურქეთის პრეზიდენტმა, თავის მხრივ დაამატა, რომ გერმანიის ბუნდესტაგის თურქი წარმოშობის დეპუტეტებს, რომლემბაც ხმა მისცეს სომხების გენოციდის აღიარებას, გაფუჭებული სისხლი აქვთ.
