ბულგარეთის ვადამდელ არჩევნებში ტელეწამყვანისა და მომღერალ სლავა ტრიფონოვის პარტიამ “არის ასეთი ხალხი” გაიმარჯვა.
ბიულეტენების სრულად დათვლის შემდეგ ტრიფონოვის პარტიამ ხმების 24,08% აიღო, რაც 657 824 ხმას ნიშნავს. მეორე ადგილზეა ექს-პრემიერ ბოიკო ბორისოვის კოალიცია “მოქალაქეები ბულაგრეთის ევროპული განვითარებისათვის”-“დემოკრატიული ძალების კავშირი” – 642 165 ხმით კოალიციამ 23,51% აიღო.
მესამე ადგილზე ბულაგრეთის სოციალისტური პარტია 13,39%-ით გავიდა.
არჩევნების შემდეგ ტრიფონოვმა განაცხადა, რომ მისი პარტია “არის ასეთი ხალხი” კოალიციას არავისთან შექმნის და დამოუკიდებლად აიღებს პოლიტიკურ პასუხისმგებლობებს მთავრობის ჩამოყალიბებაში.