რუსეთის პრეზიდენტმა ვლადიმერ პუტინმა განაცხადა, რომ ბუჩაში მშვიდობიანი მოსახლეობის დაღუპვის შესახებ ცნობები ისეთივე ყალბია, როგორც ინფორმაცია წარსულში სირიაში ქიმიური იარაღის გამოყენების შესახებ.
„რაც შეეხება ბუჩას. აბა, მისმინეთ, ხშირად ვესაუბრები კოლეგებს დასავლეთის ქვეყნებიდან და როცა ბუჩას მეუბნებიან, ვეკითხები, ყოფილხარ ოდესმე რაკაში? გინახავს, რა სუფთაა ეს სირიის ქალაქი? პირდაპირ მიწამდე გაანადგურეს ამერიკულმა თვითმფრინავებმა? იქ მართლაც თვეების განმავლობაში ეყარა გვამები და იხრწნებოდა. ეს არავის აინტერესებდა, ვერავინ შენიშნა. მერე აღმოჩნდა, რომ ქიმიური იარაღის გამოყენება ყალბი იყო. იგივე სიყალბეა ბუჩაში“, – განაცხადა პუტინმა.