ბრიუსელის ტერაქტების დროს დაღუპულთა რიცხვი, დაზუსტებული ინფორმაციით 31 ადამიანია, დაშავდა 250 ადამიანი – განაცხადა ბელგიის ჯანდაცვის სამინისტრომ მეგი დე ბლოკმა. ჯანდაცვის მინისტრის თქმით, 11 ადამიანი დაიღუპა აეროპორტში, 20 კი – მეტროში. მედიაში ადრე დაღუპულთა სხვადასხვა რაოდენობა ვრცელდებოდა. გუშინ, 22 მარტს ბრიუსელში აეროპორტსა და მეტროში ტერაქტების სერია მოხდა. ბელგიაში საფრთხის უმაღლესი, მეოთხე დონეა გამოცხადებული.
