დიდ ბრიტანეთში, სუონსის სამეფო სასამართლომ ლონდონში მცხოვრებ 27 წლის საქართველოს მოქალაქეს 20 თვით თავისუფლების აღკვეთა მიუსაჯა. მას ბრალად ედება ელექტროტექნიკის ცნობილი მაღაზიათა ქსელ Currys-იდან 19 000 ფუნტ სტერლინგზე მეტი ღირებულების ნივთების ქურდობა.
10 დღის განმავლობაში 8 ქურდობა ჩაიდინა უელსის, დევონისა და კორნუოლის რეგიონებში მდებარე Currys-ის ფილიალებში (მათ შორის ტორკიში, პენზანსში, ტრუროში, პლიმუთში, ბარნსტეპლში, კარმარტენსა და ჰავერფორდუესტში). ბრალდებული ორ თანამზრახველთან ერთად მოქმედებდა. მოპარული ელექტროტექნიკის საერთო ღირებულებამ 19,000 ფუნტ სტერლინგს გადააჭარბა.
