დიდმა ბრიტანეთმა ეგვიპტის კურორტ შარმ ელ შეიხთან ავიარეისები უსაფრთხოების დაცვის მიზნით გადადო.
ბრიტანეთის ხელისუფლება არ გამორიცხავს, რომ რუსული ავიალაინერის კატასტროფა ბორტზე არსებულმა ბომბმა გამოიწვია. ამის გამო ლონდონი უსაფრთხოების განსაკუთრებულ ზომებს იღებს, ფრენები ეგვიპტის კურორტიდან მხოლოდ სათანადო შემოწმების შემდეგ განახლდება.
ბრიტანეთისგან განსხვავებით, ეგვიპტური გამოძიება მომხდართან ტერორისტული დაჯგუფების კავშირს უარყოფს. ამჟამად შავი ყუთების გაშიფვრის პროცესი მიმდინარეობს.
ეარბას 321-ის კატასტროფას, რომელიც შარმ ელ შეიხიდან პეტერბურგისკენ მიფრინავდა, 224 ადამიანის სიცოცხლე ემსხვერპლა.
