ბრიტანეთში გათეთრებული რუსული „ბინძური ფული“ კვლავ აფინანსებს რუსეთის ომს, – ამის შესახებ ბრიტანეთის თემთა პალატის საგარეო ურთიერთობათა კომიტეტში ისაუბრეს.
დეპუტატების თქმით, უკრაინაში მიმდინარე ომის მიუხედავად, რუსეთიდან ბრიტანეთში ფულის ნაკადები ჯერ კიდევ შედის. თემთა პალატის საგარეო ურთიერთობათა კომიტეტმა განაცხადა, რომ მთავრობის თვითკმაყოფილება და მინისტრების მხრიდან ქმედითი ნაბიჯების წარუმატებლობა იმას ნიშნავდა, რომ ლონდონში „გარეცხილი“ რუსული აქტივები გამოიყენებოდა ვლადიმერ პუტინის ომის დასაფინანსებლად.
ბრიტანული მედიის ცნობით, უაღრესად კრიტიკულ მოხსენებაში ნათქვამია, რომ საგარეო, თანამეგობრობისა და განვითარების ოფისის (FDCO) ხელმძღვანელობის მიერ „არაადეკვატური მომზადება და შორსმჭვრეტელობა“ ნიშნავს, რომ მთავრობა ნელა ახორციელებდა სანქციებს. ანგარიშის თანახმად, სამარცხვინო იყო, რომ მინისტრებს ომი დასჭირდათ ეკონომიკური დანაშაულის შესახებ კანონის 2022 წლის შემოღებისთვის.
