ბრიტანეთის შინაგან საქმეთა სამინისტრო სამჯერ მეტ თინეიჯერ ლტოლვილს გაადეპორტებს, ვიდრე ეს ადრე დაანონსდა – დღეს The Independent-ი წერს.
საერთაშორისო საქველმოქმედო ორგანიზაცია “კარიტასი” და პოლიტიკოსები აღნიშნული ინფორმაციის გამო შეშფოთებას გამოხატავენ – ქვეყნებში, სადაც საომარი მოქმედებები მიმდინარეობს ან გაღატაკებული არიან ომის გამო, ახალგაზრდების გადეპორტება, რომლებსაც ეს-ეს არის 18 წელი შეუსრულდათ, ფაქტობრივად მათ სასიკვდილო განაჩენს ნიშნავს.
ბრიტანეთის შსს-ს განცხადებით, ახალგაზრდებს, რომლებიც უკვე სრულწლოვანები არიან, არ სჭირდება მათი დაცვა. საქველმოქმედო ორგანიზაციები პროტესტს გამოთქვამენ აღნიშნული ფაქრტის გამო, თუმცა, შსს-ს ოფიციალური პოზიციით, ისინი საერთაშორისო სამართლის მიხედვით მათზე დაკისრებულ მოვალეობას თავს არ არიდებენ და თავშესაფრის მიცემის პროცედურებს პირნათლად ასრულებენ.