ბრიტანეთის პრემიერ-მინისტრის, ბორის ჯონსონის რეზიდენტიაში კედელზე დაკიდეს საათი, რომელზეც Brexit-მდე დროის უკუთვლა დაიწყო – “Sky News”-ი ავრცელებს. საათის ღირებულება 500 ფუნტი სტერლინგია და ის ბორის ჯონსონის კაბინეტში კიდია – დაუნინგ-სტრიტმა დაადასტურა. ანალოგიური საათი დაკიდეს კონსერვატიული პარტიის ოფისშიც, მასზე წარწერაა: “ჩვენ გავაკეთებთ Brexit -ს და ევროკავშირიდან გავალთ”.
ბრიტანეთმა ევროკავშირი 31 ოქტომბერს უნდა დატოვოს. ბორის ჯონსონი მზად არის ქვეყანა ევროპული გაერთიანებიდან გამოიყვანოს იმის მიუხედავად, მიაღწევს თუ არა ის შეთანხმებას.