ბრიტანეთის თავდაცვის მინისტრმა ტობიას ელვუდმა განაცხადა, რომ აშშ-ს პრეზიდენტს დონალდ ტრამპს არ ეთანხმება, რომ “ისლამური სახელმწიფო” დამარცხებულია – “ტვიტერის” ბლოგზე დაწერა. “მე კატეგორიულად არ ვეთანხმები. ის ექსტრემიზმის სხვა ფორმებში გარდაისახა და საფრთხე ისევ არსებობს” – დაწერა მინისტრმა.
მანამდე გავრცელდა, რომ აშშ-მ სირიიდან ჯარის გაყვანა დაიწყო – თეთრ სახლში განაცხადეს. ადრე პრეზიდენტმა დონალდ ტრამპმა თქვა, რომ მათ “ისლამური სახელმწიფო” დაამარცხეს სირიაში. პრეზიდენტის ადმინისტრაციის მიერ გავრცელებული ინფორმაციის თანახმად, აშშ სირიის კამპანიის ახალ ფაზაში გადადის და ტერორისტებზე გამარჯვება კოალიციის დაშლას არ ნიშნავს. “აშშ და ჩვენი მოკავშირეები მზად არიან ოპერაციას ხელახლა დაუბრუნდნენ ამერიკის ინტერესების დასაცავად” – თეთრი სახლის პრეს-მდივანმა სარა სანდერსმა თქვა. მისი თქმით, აშშ “რადიკალურ ისლამისტურ დაჯგუფებებთან ბრძოლას განაგრძობს” .
