ბელარუსის სამხრეთ-დასავლეთ ნაწილში მდებარე ქალაქ ბრესტის ადგილობრივმა ხელისუფლებამ მოუწოდა სამარშრუტო ტაქსის მძღოლებს უარი თქვან სალონში „გიორგის ლენტის“ განთავსებაზე.
როგორც ბელორუსული სააგენტო „ბელსატი“ იუწყება, საქმე დაიწყო მას შემდეგ, რაც ერთ-ერთმა მოქალაქემ სამარშრუტო ტაქსის მძღოლს მოსთხოვა „გიორგის ლენტის“ ჩამოხსნა წინა საქარე მინიდან. უხეში ფორმით უარის მიღების შემდეგ მან საჩივრით მიმართა ადგილობრივ ხელისუფლებას.
ბრესტის აღმასკომმა იმსჯელა შექმნილ სიტუაციაზე და დაუშვებლად მიიჩნია ავტოსატრანსპორტო საშუალებების სალონში პოლიტიკური და რელიგიური სიმბოლიკის დემონსტრაცია.
შეგახსენებთ, „გიორგის ლენტი „(Георгиевская ленточка) მსოფლიოში ითვლება რუსულ მილიტარისტულ და კრემლის მიმართ ლოიალობის სიმბოლოდ.
