ტერეზა მეიმ, შესაძლებელია პარლამენტის თანხმობა მიიღოს “ბრექსიტის” შეთანხმევაზე იმ შემთხვევაში, თუკი ის პირობას დადებს, რომ პრემიერ-მინისტრის პოსტს დატოვებს – “ბიბისის” კონსერვატიული პარტიის მაღალჩინოსანმა განუცხადა – ბრიტანეთის პრემიერი ამ პარტიის ლიდერია. პარლამენტის წევრები შეთანხმებას იმ შემთხვევაში მიიღებენ, თუკი დარწმუნებული იქნებიან, რომ პოლიტიკოსი მოლაპარაკებების მომდევნო სტადიებზე ხელისუფლებაში არ იქნება
.
ამავე დროს, ბრიტანული გაზეთები ავრცელებენ, რომ ტერეზა მეის წინააღმდეგ შეთქმულებაა.
დაუნინგ-სტრითი კი ირწმუნება, რომ პრემიერი პოსტს საკუთარი ნებით არ დატოვებს.
გუშინ, შაბათს, ლონდონში ასობით ათასი მოქალაქე გამოვიდა “ბრექსიტის” შესახებ ახალი რეფერენდუმის ჩატარების მოთხოვნით. “ჩვენი მოთხოვნა მარტივია: “ბრექსიტთან” დაკავშირებით ბოლო სიტყვა ხალხმა უნდა თქვას” – ორგანიზატორები ამბობენ. შაბათისთვის პეტიციამ, რომელიც რამდენიმე დღის წინ გამოქვეყნდა, 4 მილიონი ხელმოწერა დააგროვა. აქციის მონაწილეები გაიდ-პარკიდან პარლამენტის მოედნამდე მიდიან. მარშის ორგანიზატორები ახალგაზრდები და სტუდენტები არიან. “ჩვენ უნდა დავიტანჯოთ “ბრექსიტის” ცუდი პრობების გამო, ჩვენ აზრი უნდა გამოვთქვათ საკუთარი მომავლის შესახებ” – ახალგაზრდებმა “ბიბისისთან” თქვეს.
“ბრექსიტი”, რომელიც 29 მარტს უნდა დაწყებულიყო, გადადებულია. მომავალ კვირას გადაწყდება როდემდე გადაიწია ბრიტანეთის ევროკავშირიდან გამოსვლის დრომ.
