ტაბახმელაში დაღუპულ იუნკერთა სხოვნას საქართველოს პრეზიდენტმა პატივი მიაგო. გიორგი მარგველაშვილმა გმირთა მემორიალი ყვავილებით შეამკო.
„70 წლის მერე ჩვენმა თაობამ ამ ბრძოლის მოგება და დამოუკიდებელი საქართველოს შექმნა შეძლო. დღეს ბრძოლა დამოუკიდებლობიდან თავისუფლებისკენ გრძელდება და ჩვენ ამ ბრძოლას ყველა ერთად მოვიგებთ,“- განაცხადა გიორგი მარგველაშვილმა.
დღეს საბჭოთა ოკუპაციიდან 95 წელი გავიდა. ტაბახმელაში საკანონმდებლო და აღმასრულებელი უწყებების წევრები და სხვადასხვა პოლიტიკური პარტიის წარმომადგენლები იმყოფებოდნენ.
