მინიმუმ 33 პატიმარი იპოვეს გარდაცვლილი ბრაზილიის ციხეში – ადგილობრივი BV news-ი ავრცელებს. ყველა მათგანი დანაწევრებული იყო, სხეულის ნაწილები კი ციხის სხვადასხვა ადგილებში იყო მიმობნეული.
ინფორმაცია ქვეყნის იუსტიციის სამინისტრომ დაადასტურა, რომელიც ქვეყანაში ციხეებს ხელმძღვანელობს. “სიტუაცია კონტროლს ექვემდებარება. “მონტე-კრისტოს” ციხეში სპეციალური დანიშნულების რაზმია შეყვანილი” – სამინისტრო ავრცელებს.
2 იანვარს ცნობილი გახდა, რომ ბრაზილიის ერთ-ერთ ციხეში არეულობისას 50 პატიმარი გარდაიცვალა.
საერთაშორისო ორგანიზაციები ბრაზილიის მთავრობას პატიმრებისადმი დამოკიდებულების გამო მუდმივად აკრიტიკებს. ქვეყანაში ციხეები გადაჭედილია და ხშირია სისხლიანი გარჩევები.
