ლატვიის საგარეო საქმეთა მინისტრი ბაიბა ბრაჟე სოციალურ ქსელში წერს, რომ ლატვია გმობს ირანის მიერ ბაჰრეინსა და ქუვეითზე დრონებით განხორციელებულ თავდასხმებს.
„სოლიდარობას ვუცხადებთ პარტნიორებს სპარსეთის ყურეში ეს თავდასხმები უგუნურია და საფრთხეს უქმნის რეგიონულ სტაბილურობას“, – წერს ლატვიის საგარეო უწყების ხელმძღვანელი.
მისი თქმით, ირანმა დაუყოვნებლივ უნდა შეწყვიტოს თავდასხმები, სრულად შეასრულოს ხელმოწერილი ურთიერთგაგების მემორანდუმი და შეასრულოს გაეროს უშიშროების საბჭოს 2817-ე რეზოლუცია.
