დღეს ბოტანიკური ბაღის გადასარჩენად ახალი ტალღა იწყება. 24 არასამთავრობო ორგანიზაცია ერთობლივი გეგმების შესახებ განცხადებებს გააკეთებს. უკვე ცნობილია, რომ პირველი მასშტაბური აქცია შაბათისთვის იგეგმება.
არასამთავრობოები გაერთიანებისკენ პოლიტიკურ პარტიებსაც მოუწოდებენ. მათი თქმით, ბოტანიკური ბაღის ირგვლივ განვითარებული მოვლენები პანორამა თბილისს უკავშირდება, ამ ყველაფერში კი ერთი ადამიანის სახელი და გვარი ფიგურირებს.
არასამთავრობო ორგანიზაციების განცხადებით, ამ მასშტაბის პროექტების განხორციელება მოსახლეობასთან შეთანხმების გარეშე დაუშვებელია და მერიისგან გადაწყვეტილებების გაუქმებას ითხოვენ.
