ბოსნიის სასაზღვრო პოლიცია უარყოფს ნფორმაციას იმის შესახებ, რომ მიგრანტებს სასტიკად ექცევა. ვიდეო, სადაც ჩანს, რომ მიგრანტები სპეციალურ გალიებში სხედან, არასამთავრობო ორგანიზაცია “Are You Syrious”-მა გაავრცელა. ის ერთ-ერთმა დაკავებულმა გადაიღო. დაკავებულებს შორის რამდენიმე ბავშვიც იმყოფება, მათ შორის, ერთი სამი წლისაა.
პოლიციამ განაცხადა, რომ ვიდეოზე აღბეჭდილი ობიექტი დროებითი დაკავების ბლოკია, რომელიც ევროკავშირის ფინანსური დახმარებით აშენდა. იქ იმყოფებიან მიგრანტები დეპორტაციის მოლოდინში. ასევე, პოლიციის განცხადებით, გალიის მაგვარ კამერებში კონდიციონერები და გათბობაა დაყენებული.