ბოსნიასა და ხორვატიაში წყალდიდობაა – მდინარეები კალაპოტიდან გადავიდნენ და დატბორეს გზები და სახლები – Associated Press-ი წერს. სამშაბათს, 14 მაისს ბოსნიის ჩრდილოეთ ნაწილში, რამდენიმე ადგილას საგანგებო მდგომარეობა გამოცხადდა. ადგილობრივებს, რომლებიც მდინარეებთან ახლოს ცხოვრობენ, მთავრობამ სახლების დატოვებისკენ მოუწოდა. სკოლებში შეწყვეტილია სწავლის პროცესი. მოსახლეობას არ მიეწოდება ელექტროენერგია.
ადგილობრივები შიშობენ 2014 წლის წყალდიდობა არ განმეორდეს, რომელმაც რეგიონი დააცარიელა. მაშინ ათობით ადამიანი დაიღუპა.