დიდი ბრიტანეთის სამართალდამცავმა სტრუქტურებმა გახსნეს შეთქმულება, რომელიც მიზნად ისახავდა პრემიერ–მინისტრ ტერეზა მეის მკვლელობას. ამის შესახებ იუწყება სააგენტო “Reuters” “Sky News-ზე დაყრდნობით.
პოლიციამ დაადგინა, რომ ბოროტმოქმედები გეგმავდნენ თვითნაკეთი ასაფეთქებელი მოწყობილობის ამოქმედებას დაუნინგ–სტრიტზე, პრემიერის რეზიდენციაში. აფეთქების შედეგად შექმნილი ქაოსის დროს კი იგეგმებოდა ტერეზა მეიზე თავდასხმა და მკვლელობა.
ამ შეთქმულების გახსნაზე რამდენიმე კვირა მუშაობდნენ სკოტლანდ–იარდის კრიმინალისტები და უესტ– მიდლენსის პოლიციელები.