ბორჯომის ხეობაში ხანძრის მასშტაბების დასადგენად აზერბაიჯანმა საქართველოს მაღალი ხარისხის სატელიტური გამოსახულებები მიაწოდა.
ინფორმაციას ამის შესახებ სააგენტო AzVision ავრცელებს.
როგორც აზერბაიჯანის სატელიტური ოპერატორი კომპანიის AzerCosmos-ის წარმომადგენლები აცხადებენ, ქართულ მხარეს თანამგზავრ AzerSky-ს მიერ გადაღებული გამოსახულებები პრეზიდენტ ილჰამ ალიევის განკარგულებით გაუგზავნეს.
მათივე ინფორმაციით, მაღალი რეზოლუციის გამოსახულებები საშუალებას იძლევა, უკეთესად შეფასდეს ტყის ხანძრის შედეგად მიყენებული ზიანი. ამასთან, AzerCosmos-ში აცხადებენ, რომ ბორჯომ-ხარაგაულის ეროვნულ პარკში გაჩენილი ხანძრის მონიტორინგს განაგრძობენ.
