“მოსალოდნელი იყო, რომ აშშ ევროპაში სამხედრო კონტინგენტს შეამცირებდა, მათ შორის გერმანიაში. ბოლო მონაცემებით, საუბარია დაახლოებით 5 000 სამხედროზე, მაშინ როცა გერმანიაში მთლიანობაში თითქმის 40 000 ამერიკელი ჯარისკაცია განლაგებული. ევროპამ უნდა გააძლიეროს საკუთარი თავდაცვითი შესაძლებლობები და მეტი პასუხისმგებლობა აიღოს უსაფრთხოებაზე. გერმანია ამ მიმართულებით სწორ გზაზე დგას”,_ აცხადებს გერმანიის თავდაცვის მინისტრი ბორის პისტორიუსი.
აშშ-ის პენტაგონის ხელმძღვანელმა, პიტ ჰეგსეთმა გერმანიაში ამერიკული სამხედრო კონტინგენტის 5 000 ჯარისკაცით შემცირების ბრძანება გასცა. ამის შესახებ პენტაგონის სპიკერმა, შონ პარნელმა განაცხადა. მანამდე კი, 30 აპრილს აშშ-ის პრეზიდენტმა დონალდ ტრამპმა Truth social-ზე დაწერა: “შეერთებული შტატები სწავლობს და განიხილავს გერმანიაში ჯარების შესაძლო შემცირებას; გადაწყვეტილება მიღებული იქნება უახლოეს პერიოდში”. მანამდე კი ტრამპმა მერცი ირანთან დაკავშირებული პოზიციის გამო გააკრიტიკა.
