საზოგადოებრივი მაუწყებლის სამეურვეო საბჭოს წევრი, ბონდო მძინარაშვილი სოციალურ ქსელში გეორგიევსკის ტრაქტატის შესახებ ჩანაწერს აქვეყნებს. მისი შეფასებით, ერეკლე II-მ აღნიშნული ხელშეკრულება რეალურად ევროპელთან გააფორმა, ხოლო მოგვიანებით შეთანხმება „ნახევრად ევროპელმა“ დაარღვია.
„გეორგიევსკის ტრაქტატი ერეკლეს რუსებთან არ გაუფორმებია, ევროპელთან, კერძოდ, გერმანელთან გააფორმა. მერე დაარღვია ნახევრად ევროპელმა. P. S. რომანოვების მთელი დინასტია ფრანგულად, გერმანულად და ინგლისურად ლაპარაკობდა. ზოგიერთს იმპერიის დიდგვაროვნებთან ურთიერთობის დროს თარჯიმანიც კი სჭირდებოდა“, — წერს ბონდო მძინარაშვილი.
მძინარაშვილი თავის პოსტში რომანოვების დინასტიის ევროპულ წარმომავლობასა და ენობრივ კუთვნილებაზე ამახვილებს ყურადღებას.
