დღეს დილიდან ისრაელმა ღაზის სექტორის დაბომბვა განაახლა, რასაც ორგანიზაცია ჰამასის მხრიდან რამდენიმე საპასუხო იერიში მოჰყვა.
დღეს აშშ-ის სახელმწიფო მდივნის წარმომადგენელი ისრაელში ჩავიდა, რათა ცეცხლის შეწყვეტის შეთანხმებას მიაღწიოს და როგორც საერთაშორისო მედია იტყობინება, მოლაპარაკებებში ეგვიპტე, საუდის არაბეთი და სხვა ქვეყნების წარმომადგენლებიც მონაწილეობენ.
ბოლო მონაცემებით, პალესტინელთა მხარეს 130-ზე მეტი ადამიანია დაღუპული, რომელთა შორის 30-მდე ბავშვია, ისრაელი კი რვა დაღუპულს ითვლის.