ბოლო მონაცემებით განადგურებული ან დაზიანებულია 40-მდე თვითმფრინავი, ძირითადად ტაქტიკური ბომბდამშენები.
უკრაინული მედია დაზვერვის წყაროებზე დაყრდნობით წერს, რომ სამხედრო ოპერაციის კოდური სახელია “აბლაბუდა”.
გამოცემა Unian-ის ინფორმაციით “აბლაბუდის” დაგეგმვაზე უკრაინის დაზვერვა 1.5 წელი მუშაობდა.
მიახლოებითი გამოთვლით რუსულ ავიაციას 2 მილიარდი დოლარის ზარალი მიადგა.
წყაროების ცნობით დრონებით იერიში მიტანილია შემდეგ რუსულ აეროდრომებზე: ბელაია, დიაგილევო, ოლენია და ივანოვო.
რუსულ ტელეგრამ არხებში ვრცელდება ინფორმაცია, რომ ერთ-ერთ აეროდრომთან, ბენზოგასამართ სადგურზე გაჩერებული სატვირთო მანქანიდან, დრონები ამოფრინდნენ და სამხედრო ბაზის მიმართულებით გაფრინდნენ. სავარაუდოდ უკრაინის დაზვერვამ რუსეთის სიღრმეში, ფრონტის ხაზისგან შორს, უპილოტო საფრენი აპარატებით დატვირთული მანქანების შეყვანა შეძლო.
