“ნაციონალური მოძრაობის” წევრის, თინა ბოკუჩავას თქმით, მიხეილ სააკაშვილის ჯანმრთელობის მდგომარეობა არ გაუმჯობესებულა. ამის შესახებ ბოკუჩავამ გორის ჰოსპიტალის დატოვების შემდეგ განაცხადა. ბოკუჩავას თქმით, შეხვედრაზე სააკაშვილთან 21 დეკემბრის აქციის შესახებ ისაუბრეს.
“გაუმჯობესება ნამდვილად არ არის, თუ არა გაუარესება მისი სისუსტის თვალსაზრისით. 21 დეკემბრის აქცია იყო ერთ-ერთი ჩვენი განხილვის თემა, ეს არის ძალიან მნიშვნელოვანი თარიღი ჩვენთვის და ჩვენი მხარდამჭერებისთვის, რომ კიდევ ერთხელ დაუდასტურონ მხარდაჭერა პრეზიდენტ სააკაშვილს. ეს ბრძოლა არის საქართველოს თავისუფლებისთვის”, – თქვა ბოკუჩავამ.