“მე მგონია, ორივენი იმსახურებენ ამას. მცირე სასჯელია, მაგრამ იმსახურებენ ისინიც და ისინიც ინდივიდუალურ მოლაპარაკებებს ერთმანეთთან”. – ამის შესახებ “ევროპული საქართველოს ლიდერმა“, გიგა ბოკერიამ „მთავარი არხის“ ეთერში განაცხადა .
„გირჩის“ ერთ-ერთი ლიდერის, ვახო მეგრელიშვილის თქმით, მას ფასილიტატორების იმედი ნაკლებად აქვს და „ქართულ ოცნებასთან“ საუბარის დაწყებას აპირებს.
“ჩვენ დავიწყებთ ლაპარაკს, ქართულ ოცნებას შევუთანხმდი, რომ დავუკავშირდები, რათა მათთან მქონდეს უშუალო ურთიერთობა”. – თქვა მეგრელიშვილმა
„რუსთავი 2“ – ის ეთერში.
გუშინ, 18 მარტს, „ქართულ ოცნებასა“ და ოპოზიციას შორის საერთაშორისო პარტნიორების მედიატორიბით გამართული მოლაპარაკებები შეთანხმების გარეშე დასრულდა.
ევროპული საბჭოს პრეზიდენტის, შარლ მიშელის წარმომადგენელმა, კრისტიან დანიელსონის განცხადებით, კრიზისის გადაწყვეტა დამოკიდებულია საქართველოს პოლიტიკურ ლიდერებზე.