ბოღმით აღსავსე იყო, გამახსენა ღარიბაშვილი – ნიკა მელია თეა წულუკიანზე საუბრობს

news
: news ნოემბერი 24, 2016 18:48

ბოღმით აღსავსე იყო, გამახსენა ღარიბაშვილი – ნიკა მელია თეა წულუკიანზე საუბრობს

“ბოღმით აღსავსე იყო, გამახსენა ღარიბაშვილი,”- ასე გამოეხმაურა ნიკა მელია იუსტიციის მინისტრობის კანდიდატის თეა წულუკიანის მიმართვას ელენე ხოშტარიასადმი.

“მინისტრი ღირსეულად არ გამოიყურებოდა. ის უბრალოდ ბოღმით აღსავსე იყო. ადამიანი, რომელიც შედიოდა არა მინისტრისთვის დამახასიათებელ დაპირისპირებაში დეპუტატებთან. ბუნებრივია, როცა კითხვებზე პასუხები არ აქვთ, ასეთი გამოხტომები ახასიათებთ ხოლმე. გამახსენდა ღარიბაშვილი, როცა მას პასუხი არ ჰქონდა, გადმოდიოდა შეურაცხყოფაზე,”- განაცხადა ნიკა მელიამ.

ნაციონალური მოძრაობის წევრმა  ისაუბრა თავდაცვის და უშიშროების კომიტეტის სხდომის შესახებაც, სადაც დღეს კომიტეტის თავმჯდომარის მოადგილე ვერ აირჩიეს. მელია იმედს გამოთქვამს, რომ მოადგილედ ქართული ოცნება არ აირჩევს ემზარ კვიციანს ირაკლი აბესაძის ნაცვლად.

საკომიტეტო მოსმენების შესახებ, სადაც დეპუტატები მინისტრობის კანდიდატებს ხვდებოდნენ, ნიკა მელია ფიქრობს, რომ რეალობას იყო აცდენილი მინისტრობის კანდიდატების რეაქციები და განცხადებები.

“შეიძლება ითქვას, რომ ხელისუფლება აცდენილია რეალობას. ისინი ულოცავენ, ერთმანეთს თანამდებობებზე დანიშვნას ღიმილით და სიცილით. რატომ აქვთ საზეიმო განწყობა ვერ ვხვდები, ქვეყანაში ეკონომიკური ზრდა შეჩერებულია, მოსახლეობის დიდი ნაწილი სიდუხჭირეში ცხოვრობს. ქვეყანაში, სადაც საბანკო დაწესებულებებში შიშით ელოდება კრედიტის გადახდის დღეს. ნაწილი ვერ იხდის ამ კრედიტს,” – აცხადებს ნიკა მელია.

news
: news ნოემბერი 24, 2016 18:48

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,749
ვიზიტორი
დღეში
Powered By Google Analytics