ზეინაბ ბოცვაძის ქუჩაზე გაჩენილი ხანძრის შედეგად არავინ დაშავებულა, ქრობის პროცესში მონაწილეობდა 8 სახანძრო-სამაშველო ჯგუფი, – ამის შესახებ შსს-ს საგანგებო სიტუაციების მართვის სააგენტოს თბილისის სამმართველოს უფროსმა მამუკა ყირიმელმა ჟურნალისტებს განუცხადა.
„ხანძარი ამჟამად ლიკვიდირებულია. ქრობის პროცესში მონაწილეობდა შსს-ს საგანგებო სიტუაციების მართვის სააგენტოს 8 ერთეული სახანძრო-სამაშველო ჯგუფი, 40 მეხანძრე-მაშველი. იწვოდა სხვენი, გადახურული მანსარდი“, – განაცხადა მამუკა ყირიმელმა.
მისივე თქმით, ხანძრის გამომწვევ მიზეზებს გამოძიება დაადგენს.