გერმანული ავტომწარმოებელი BMW და ფრანგული ავიამშენებელი კომპანია Airbus-ი აცხადებენ, რომ მზად არიან წარმოება ბრიტანეთიდან გადაიტანონ თუკი ლონდონი უახლოეს პერიოდში ევროკავშირიდან გასვლის შესახებ პირობებზე არ შეთანხმდება. BMW-ს ლონდონის ფილიალის ხელმძღვანელმა იან რობერტსონმა განაცხადა, რომ კომპანია, რომელიც ბრიტანეთში Mini-სა და Rolls Royce-ს აწარმოებს, მხოლოდ ზაფხულის ბოლომდე მოიცდის. “თუკი უახლოეს თვეებში ბრიტანეთსა და ევროკავშირს შორის ეკონომიკური შეთანხმება არ შედგება, ავამუშავებთ საგანგებო გეგმას. ეს კი იმას ნიშნავს, რომ ბრიტანეთი ნაკლებად კონკურენტუნარიანი გახდება” – განაცხადა იან რობერტსონმა – “ბიბისი” წერს.
კორპორაცია Airbus-ი, სადაც ბრიტანეთში 14 ათასი ადამიანი მუშაობს, ასევე მზად არის საწარმო სხვაგან გადაიტანოს იმ შემთხვევაში, თუი ბრიტანეთი ერთიან ევროპულ ბაზარს და ევროკავშირის საბაჟო კავშირს დატოვებს.
