გაერთიანებული სამეფოს მთავრობამ უკრაინას Storm Shadow-ს შორ მანძილზე მოქმედი რამდენიმე ათეული ფრთოსანი რაკეტა გადასცა. ინფორმაციას ამის შესახებ „ბლუმბერგი“ ავრცელებს.
გამოცემა აღნიშნავს, რომ დიდი ბრიტანეთის პრემიერ-მინისტრად კირ სტრამერის არჩევის შემდეგ ეს არის პირველი შემთხვევა, როდესაც ცნობილი ხდება, რომ ლონდონმა კიევს Storm Shadow-ს ტიპის რაკეტები გადასცა.
სააგენტოს წყარო არ ამბობს, კონკრეტულად როდის და რამდენი რაკეტა გადასცეს უკრაინას.
„ბლუმბერგის“ მიხედვით, კიევმა ეს იარაღი მიიღო იმ დროს, როდესაც აშშ-სა და გაერთიანებულ სამეფოს ჯერ არ ჰქონდათ მოხსნილი შეზღუდვები ამერიკული და ბრიტანული შორს მოქმედი იარაღის რუსეთის ტერიტორიის შიგნით გამოყენებაზე.
ბლუმბერგი ასევე მიუთითებს, რომ უკრაინის შეიარაღებულმა ძალებმა ბრიტანული Storm Shadow-ს რაკეტები პირველად გასულ კვირას გამოიყენეს რუსეთში მდებარე სამიზნეების წინააღმდეგ.
