Bloomberg-ის ინფორმაციით, ზოგიერთი ქვეყანა შესაძლოა ნავთობის სერიოზული დეფიციტის წინაშე უკვე ივნისის დასაწყისში აღმოჩნდეს.
როგორც გამოცემა წერს, ირანის პორტების ბლოკადის ფონზე, ნავთობის ფასები ზედიზედ მეორე კვირაა იზრდება. გამოცემის ცნობით, ბოლო ორი კვირის განმავლობაში ფასები 25%-ზე მეტით გაიზარდა. როგორც Bloomberg აღნიშნავს, კომპანია ConocoPhillips აფრთხილებს გარკვეულ ქვეყნებს რესურსის კრიტიკული დეფიციტის რისკის შესახებ.
მიმდინარე მონაცემებით ნავთობის ფასებია: Brent (ივლისის მიწოდებით): გაიზარდა 0.5%-ით და ბარელზე $110.90 შეადგინა. WTI (ივნისის მიწოდებით): თითქმის არ შეცვლილა და ბარელზე $105.02-ზე დარჩა.
