პარლამენტის ბიურომ განსაკუთრებით მძიმე დანაშაულებზე ხანდაზმულობის ვადის გაზრდის შესახებ კანონპროექტის დაჩქარებული წესით განხილვას მხარი დაუჭირა. შესაბამისი კანონპროექტი პარლამენტის იურიდიული კომიტეტის ინიციატივით მომზადდა.
შეგახსენებთ, რომ დაჩქარებული წესით განიხილება „სისხლის სამართლის კოდექსში“ შესატანი ცვლილებები, რომლითაც განსაკუთრებით მძიმე დანაშაულებებზე ხანდაზმულობის ვადა 5 წლით გახანგრძლივდება. შესაბამისად, გამოძიებას ზვიად გამსახურდიას გარდაცვალების საქმეზე დაწყებული გამოძიების შეწყვეტის ვალდებულება არ ექნება.