,, ბიძინა ივანიშვილმა ჩათვალა, რომ ვინაიდან ეკა ბესელია არ ესწრებოდა სხდომას, მასზე არ გვესაუბრა”

თაიმერი timer.ge
: თაიმერი timer.ge იანვარი 3, 2019 15:21

,, ბიძინა ივანიშვილმა ჩათვალა, რომ ვინაიდან ეკა ბესელია არ ესწრებოდა სხდომას, მასზე არ გვესაუბრა”

ფრაქცია „ქართული ოცნების” წევრის, დიმიტრი ხუნდაძის განცხადებით, ფრაქციის დღევანდელ სხდომაზე ეკა ბესელიასთან დაკავშირებით საუბარი ბიძინა ივანიშვილის გადაწყვეტილებით არ ყოფილა.

მისი თქმით, პარტიის თავმჯდომარემ მიიჩნია, რომ ეკა ბესელიასთან დაკავშირებული საკითხების განხილვა თავად ბესელიას თანდასწრებით უნდა მოხდეს. რაც შეეხება გედევან ფოფხაძეს, ხუნდაძის შეფასებით, ფოფხაძე კი არ დაისაჯა, არამედ რეგლამენტის დაცვა და პროცედურების გასწორება მოხდა.

„გედევან ფოფხაძის კომიტეტიდან გაწვევა მოხდა ორი მიზეზით – პროცედურული დარღვევები და გუნდური განხილვის გარეშე არჩევა.

ეკა ბესელიასთან დაკავშირებით განხილვა არ ყოფილა. თავად პარტიის ლიდერმა ჩათვალა, რომ ვინაიდან არ ესწრებოდა, მასზე არ გვესაუბრა”,- განაცხადა ხუნდაძემ.

მისივე თქმით, ბესელიამ გუნდური თამაშის წესები დაარღვია.

„ასეთი მნიშვნელოვანი საკითხები ჯერ ფრაქციაში უნდა იყოს განხილული, უნდა იყოს შიდა გუნდური შეთანხმება. შიდა გუნდური საკითხები გარეთ არ უნდა გამოვიდეს. გუნდურობა ნიშნავს, რომ თითოეული უნდა იცავდეს გუნდურობის წესებს”, – განაცხადა ხუნდაძემ.

თაიმერი timer.ge
: თაიმერი timer.ge იანვარი 3, 2019 15:21

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,788
ვიზიტორი
დღეში
Powered By Google Analytics