მთაწმინდაზე საქართველოს დამოუკიდებლობის დღისადმი მიძღვნილი მიღება გაიმართა.
საქართველოს დამოუკიდებლობის 101 წლისთავისადმი მიძღვნილ საზეიმო ვახშამს საქართველოს პრეზიდენტი სალომე ზურაბიშვილი, პრემიერ-მინისტრი მამუკა ბახტაძე, თბილისის მერი კახა კალაძე, აღმასრულებელი და საკანონმდებლო ხელისუფლების წარმომადგენლები დაესწრნენ.
ღონისძიებაზე იმყოფებოდნენ პარტია „ქართული ოცნება – დემოკრატიული საქართველოს“ თავმჯდომარე ბიძინა ივანიშვილი და პოლიტიკური მდივანი ირაკლი ღარიბაშვილი.
საზეიმო მიღებაზე მიწვეულნი იყვნენ დიპლომატიური კორპუსისა და საზოგადოების სხვადასხვა სფეროს წარმომადგენლები.
