ოკუპირებული ცხინვალის დე ფაქტო პრეზიდენტმა, ანატოლი ბიბილოვმა საქართველოსთან ე.წ. დელიმიტაციისა და დემარკაციის სახელმწიფო კომისია შექმნა. დე ფაქტო ცხინვალის ამ კომისიას საქართველოსთან საზღვრების დადგენა ევალება. მისმა წევრებმა მუშაობა ერთ თვეში უნდა დაიწყონ.
ამასთან ერთად საოკუპაციო ძალები “ბორდერიზაციას” ყოველდღიურად აგრძელებენ და მავთულხლართებს ავლებენ.
ოფიციალური თბილისი და სახელმწიფო უსაფრთხოების სამსახური ე.წ. ბორდერიზაციის პროცესზე სრულ პასუხისმგებლობას რუსეთის ფედერაციას აკისრებს. სუსის განცხადებაში ნათქვამია, რომ დეოკუპაციისაკენ მიმართულ ძალისხმევას, არაზუსტი – მაგალითად შიშის ზონის ტერმინილოგიის გამოყენება აზიანებს.
