სამხრეთ ოსეთის რუსეთთან შეერთების შესახებ რეფერენდუმი ჩატარდება, – ამის შესახებ ანატოლი ბიბილოვმა „რია ნოვოსტის“ განუცხადა მას შემდეგ რაც მან ე.წ. „საპრეზიდენტო არჩევნების“ მეორე ტურში ალან გაგლოევის „გამარჯვება“ აღიარა.
„რეფერენდუმი იქნება“, – განაცხადა ბიბილოვმა.
მისი თქმით, რეფერენდუმისთვის ყველა დოკუმენტი შეგროვდა და „ცენტრალურ საარჩევნო კომისიას“ წარედგინა.
„მათ უნდა განიხილონ ეს ყველაფერი და შემდეგ წარუდგინონ უზენაეს სასამართლოს და დაადგინონ თარიღი“, – აღნიშნა ბიბილოვმა.
