ზუგდიდში, დგებუაძის ქუჩაზე, თამბაქოს საწყობის შენობაში მომხდარი აფეთქების შედეგად საწყობის მენეჯერი – ბესო ჯგუშია დაიღუპა.
აფეთქება, რომელიც, წინასწარი ინფორმაციით, მოკლე ჩართვამ გამოიწვია, იმდენად ძლიერი იყო, რომ შენობა მთლიანად დაანგრია, მისი ნამსხვრევები კი 60-70 მეტრის რადიუსში მიმოიფანტა.
ბესო ჯგუშია საქართველოს პარლამენტის ყოფილი წევრის, სოციალისტური პარტიის წარმომადგენლის თენგიზ ჯგუშიას ახლო ნათესავია. გამოძიება სისხლის სამართლის კოდექსის 187-ე მუხლით მიმდინარეობს.