ეკა ბესელიას პირადი ცხოვრების ამსახველი კადრების გავრცელების საქმე – საქალაქო სასამართლომ 19-ვე ბრალდებულს საპროცესო შეთანხმება გაუფორმა. პროკურატურამ სასამართლოს ამ შუამდგომლობით დღევანდელ პროცესზე მიმართა, რასაც ბრალდებულებიც დათანხმდნენ.
მოსამართლის გადაწყვეტილებით ბრალდებულების ნაწილს 1-წლიანი პირობითი სასჯელი და 2000-ლარიანი ჯარიმა, ნაწილს კი 5000-ლარიანი ჯარიმა დაეკისრა.
რომ არა საპროცესო შეთანხმება, ბრალდებულებს 5-დან 8 წლამდე პატიმრობა ემუქრებოდათ.
2019 წლის იანვარში ინტერნეტსივრცეში ეკა ბესელიას პირადი ცხოვრების ამსახველი კადრები გავრცელდა. საქმის გამოძიება 2019 წლის 28 იანვარს დაიწყო.
