სილვიო ბერლუსკონიმ მემკვიდრეობით სამი მილიონი ევრო მიიღო თავისი ყოფილი მდივნისგან, რომელიც მასთან იტალიის მინისტრთა საბჭოში ყოფნისას მუშაობდა – იტალიური მედია წერს. 88 წლის მარტოხელა ანნა ჩ. 20 დღის წინ გარდაიცვალა. მან სიკვდილის წინ თავის ადვოკატებს ბერლუსკონის სასარგებლოდ ანდერძის დაწერა სთხოვა “ერთად ნამუშევარი წლებისთვის მადლობის ნიშნად”. გარდაცვლილი უძრავი ქონების სამ დიდ ობიექტს ფლობდა.
