გერმანული მედიის ცნობით, გერმანიის დედაქალაქ ბერლინში თურქეთის რელიგიურ საქმეთა სამმართველოს დაქვემდებარებაში მყოფი მეჩეთი დაწვეს.
თვითმხილველების ინფორმაციით, სამმა ნიღბიანმა პირმა მეჩეთის ფანჯრები ჩაამტვრიეს და შენობას ცეცხლი წაუკიდეს. საკითხთან დაკავშირებით ბერლინში თურქეთის კონსულმა, მუსტაფა ჩელიქმა განაცხადა, რომ მეჩეთზე თავდასხმა სავარაუდოდ ქურთი სეპარატისტების ორგანიზაცია PKK-ს ან მასთან დაკავშირებულ ქსენოფობიურ დაჯგუფების წევრებს შეეძლოთ განეხორციელებინათ. მომხდარის შედეგად არავინ დაღუპულა არც დაშავებულა. ფაქტთან დაკავშირებით მიმდინარეობს გამოძიება.