სხვა ქვეყნებთან ერთად, 5 ოქტომბერს გერმანიამაც დასდო რუსეთის თავდაცვის სამინისტროს გენშტაბის მთავარ სამმართველოს, ე.წ. “გრუს”, მასშტაბურ კიბერშეტევაში ბრალი.
გერმანიის მთავრობა “ვარაუდით, რომელიც თითქმის დარწმუნებას ესაზღვრება, თვლის, რომ ჰაკერული ჯგუფი APT28 -ს უკან რუსული “გრუს” სპეცსამსახურები დგანან – მთავრობის წარმომადგენელმა შტეფენ ზაიბერტმა ბერლინში თქვა. პოლიტიკოსის განცხადებით, მისი შეფასება დაფუძნებულია “საკუთარ კარგ წყაროებზე და შეგროვებულ ფაქტებზე, გარდა ამისა, ბერლინი სრულებით ენდობა ნიდერლანდების უწყების მონაცემებს – თქვა მთავრობის წარმომადგენელმა.
გერმანია “გმობს საერთაშორისო ორგანიზაციებზე მსგავს შეტევებს” და “რუსეთს მოუწოდებს აღიაროს საკუთარი პასუხისმგებლობა და შეწყვიტოს მსგავსი მოქმედებები” – “დოიჩე ველე” შტეფან ზაიბერტის სიტყვებს ციტირებს.
უკანასკნელი რამდენიმე დღის მანძილზე მსგავსი განცხადებებით გამოვიდნენ ბრიტანეთი, ნიდერლანდები, კანადა.
