ბერლინი მოსკოვს და თეირანს სირიის პროვინცია იდლიბზე დაგეგმილი შეტევის შეჩერებისკენ მოუწოდებს. “რუსეთი და ირანი განსაკუთრებით პასუხისმგებლები არიან” – გერმანიის მთავრობის ოფიციალურმა წრამომადგენელმა შტეფენ საიბერტმა 12 სექტემბერს განაცხადა.
პარასკევს, 14 სექტემბერს გერმანიისა და რუსეთის საგარეო საქმეთა მინისტრების შეხვედრა გაიმართება – გერმანული მედია ავრცელებს. შეხვედრის ფარგლებში დაგეგმილია სირიაში შექმნილი სიტუაციის განხილვა და კონფლიქტის მშვიდობიანი დარეგულირების გზებზე მსჯელობა. ასევე, შეხვედრის ერთ-ერთი თემა უკრაინა იქნება.
იდლიბის პროვინცია უკანასკნელი ტერიტორიაა, სადაც ბაშარ ასადის წინააღმდეგ შეიარაღებული ოპოზიციაა გამაგრებული. ზოგიერთი წყაროს ინფორმაციით, იდლიბშივე არიან დისლოცირებული “ისლამური სახელმწიფოს” ბოევიკები.
სირიაში სამოქალაქო ომი 2011 წლიდან მიდის.