როდესაც ეკონომიკური კრიზისი და მისი თანმდევი ფინანსური კრიზისი, ზოგადად, ქვეყანაშ ჩნდება, ამ შემთხვევაში ყველაზე დიდი რისკია უძრავი ქონების ბაზარი, იმიტომ, რომ უძრავი ქონების ბაზრის ფასების ცვალებადობამ შეიძლება გამოიწვიოს სისტემური ფინანსური პრობლემები, – ამის შესახებ „ქართული ოცნების“ პარტიული სიის წევრმა ბექა ლილუაშვილმა განაცხადა.
მისივე განმარტებით, ამ რისკების დაზღვევას ემსახურებოდა სუბსიდირების პროგრამა, რომელმაც ძალიან კარგად იმუშავა.
„სამშენებლო სექტორისთვის სუბსიდირების საჭიროება დადგა გამომდინარე იმ რისკებიდან და არა უკვე მიღებული ფაქტიდან, რა რისკებიც ახლდა პანდემიას. როდესაც ეკონომიკური კრიზისი და მისი თანმდევი ფინანსური კრიზისი, ზოგადად, ქვეყანაშ ჩნდება, ამ შემთხვევაში ყველაზე დიდი რისკია უძრავი ქონების ბაზარი, იმიტომ, რომ უძრავი ქონების ბაზრის ფასების ცვალებადობამ შეიძლება გამოიწვიოს სისტემური ფინანსური პრობლემები. ამ რისკების დაზღვევას ემსახურებოდა სუბსიდირების პროგრამა, რომელმაც ძალიან კარგად იმუშავა და დღეს, სამშენებლო სექტორს რომ ჰკითხოთ, ამას ძალიან პოზიტიური შედეგები მოჰყვა“, – განაცხადა ბექა ლილუაშვილმა.
