ბექა ლილუაშვილი – პრემიერის განცხადებით, უნდა გაიზარდოს იმ პასუხისმგებელ პირთა წრე, რომელიც ორიენტირებულია ტურიზმის სექტორის განვითარებაზე

თაიმერი timer.ge
ავტ.: თაიმერი timer.ge ოქტომბერი 8, 2019 23:14

ბექა ლილუაშვილი – პრემიერის განცხადებით, უნდა გაიზარდოს იმ პასუხისმგებელ პირთა წრე, რომელიც ორიენტირებულია ტურიზმის სექტორის განვითარებაზე

„პრემიერის თქმით, უნდა გაიზარდოს იმ პასუხისმგებელ პირთა წრე, რომელიც ორიენტირებულია ტურიზმის სექტორის განვითარებაზე. უფრო მარტივად რომ ავხსნათ, უნდა მოხდეს ტურიზმი-ინფრასტრუქტურა, ტურიზმი-სოფლის მეურნეობა, ტურიზმი-აწარმოე საქართველოს პროგრამების კლასტერიზაცია და თითოეული ცალკე აღებული მიმართულება, რომელიც ახორციელებს ღონისძიებებს ტურიზმის განვითარებისთვის, დაინერგოს და განხორციელდეს ეს ღონისძიებები ერთიანი ხედვის ფარგლებში“- ამის შესახებ მთავრობის ადმინისტრაციის წარმომადგენელმა ბექა ლილუაშვილმა ტელეკომპანია „იმედის“ ეთერში განაცხადა.

მისი თქმით, დღეს, პრემიერსა და ტურიზმის წარმომადგენლებს შორის გამართულ შეხვედრაზე გაჟღერდა კომპლექსური პრობლემები, რომელთა გადაჭრაც საჭიროებს სისტემურ მიდგომას.
„ერთ-ერთი ასეთი პრობლემა არის ბიუროკრატია. სახელმწიფო სხვადასხვა საშუალებებით ცდილობს ტურიზმის სექტორის მხარდაჭერას. ცალკე აღებული ყველა ეს ინსტრუმენტი ეფექტურია, თუმცა, ყურადღების მიღმა რჩებოდა ამ ინსტრუმენტების და საშუალებების გაერთიანებით მიღებული დამატებითი ეფექტიანობა და შედეგი. ამიტომ, პრემიერმა დღევანდელ შეხვედრაზე გააჟღერა კონკრეტული ინიციატივები, მათ შორის ერთ ერთი იყო მიმართულებების კლასტერიზაცია“, – განაცხადა ბექა ლილუაშვილმა.

თაიმერი timer.ge
ავტ.: თაიმერი timer.ge ოქტომბერი 8, 2019 23:14

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,373
ვიზიტორი
დღეში
Powered By Google Analytics