ისრაელის პრემიერ-მინისტრი ბენიამინ ნეთანიაჰუ ვიდეომიმართვაში ადასტურებს ირანის „ისლამური რევოლუციის გუშაგთა კორპუსის“ (IRGC) საზღვაო ძალების მეთაურის, ალირეზა ტანგსირის ლიკვიდაციას.
პრემიერის განცხადებით, ისრაელი ირანულ ტერორისტულ რეჟიმზე დარტყმებს „სრული ძალით“ აგრძელებს.
„წუხელ ჩვენ გავანადგურეთ IRGC-ის საზღვაო ფლოტის მეთაური. ამ ადამიანის ხელები სისხლშია გასვრილი და სწორედ ის იყო პასუხისმგებელი ჰორმუზის სრუტის ჩაკეტვის მცდელობებზე“, — განაცხადა ნეთანიაჰუმ.
