ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ აშშ-ისა და ისრაელის ბრძოლა ირანის წინააღმდეგ ჯერ არ დასრულებულა.
არგენტინის პრეზიდენტთან, ხავიერ მილეისთან ერთობლივ პრესკონფერენციაზე ნეთანიაჰუმ ხაზგასმით აღნიშნა, რომ აშშ და ისრაელი მიზნებს ერთად მიაღწევენ.
„ჩვენ დიდი გამოწვევებისა და დიდი შედეგების დროში ვართ. ჩვენ შეერთებულ შტატებთან ერთად ვიბრძვით ირანის დიდი ტირანიის წინააღმდეგ, ქვეყნის, რომელიც ატერორებს მსოფლიოს, რომელიც ცდილობს ჩვენს განადგურებას, შეერთებული შტატების დამხობას, დასავლური ცივილიზაციის დამხობას. ჩვენ მივაღწიეთ უზარმაზარ შედეგებს. ეს ჯერ არ დასრულებულა და ნებისმიერ წამს შეიძლება, ახალი მოვლენები განვითარდეს“, – განაცხადა ნეთანიაჰუმ.
